Брат и сестра соборија рекорд достигнувајќи го врвот на планина од 3000 метри.
На прилично епски семеен одмор, тригодишниот Џексон и неговата седумгодишна сестра Фреја, заедно со нивната мајка и тато, стигнаа до врвот на планината Пиз Бадиле, што е на границата меѓу Швајцарија и Италија. Тоа значи дека и двајцата влегоа во историјата!
Џексон сега е најмладата личност која достигнала врв на планина со таа големина, додека Фреја е најмладата личност што се искачила на планината без помош (тоа значи дека нејзината мајка и тато не ја носеле).
Не е лесно да се искачите на ваква планина и секако тоа може да биде многу опасно, но двојката ги имаше со себе своите родители кои се погрижија да бидат што е можно посигурни. Нивниот татко Лео е всушност професионален алпинист.
„Планината е долг пат кога твоите нозе се долги само половина метар како оние на Фреја“ – изјави Лео. „Фреја самостојно се искачи без никаква помош, а тоа се нарекува слободно качување. Секако се уште го имаше јажето. Поголемиот дел од времето Џексон го имаше малот појас, а тој беше прицврстен преку рамената на мама”, додаде тој.
Откако стигнаа на врвот и на Фреја и на Џексон им беа дадени слатки како награда.
„Беше навистина добро, уживав што се искачив сам“ – рече Џексон. А Фреја додаде: „Ми се виде навистина забавно и навистина застрашувачко. Јас сум многу горда“.
Следното искачување на семејството ќе биде повеќедневно патување преку највисоките планини на Црна Гора.
