Скопје е најзагаден град во светот, Тетово му дише во врат, во дворот на фабриката Охис се наоѓа депонија на една од најопасните и најканцерогени материи линданот… И тоа не е се. Во подножјетно на нашиот најнов национален парк Шара се наоѓа една од двете најопасни еко точки која Македонија ја става на мапата на високо ризични држави каде има опасност по здравјето и животот на граѓаните. Канцерогениот шестовалентен хром од депонијата на Југохром е сериозна опасност за изворот во Рашче преку кој со вода за пиење се снабдуваат над една третина а од македонските граѓани. Но државата иако добро информирана за можните последици по здравјето на граѓаните е заглавена во потрагата по решение. И покрај сериозниот потенцијал оваа држава со своите 200х200 км. да биде зелена еко и аутдор оаза, политиката во спрега со олигархијата, со цел лична корист, очигледно не го дозволува тоа. Оваа држава нема оправање додека не ги преземеме работите во свои раце.
