Половина милион Данци одат на скијање секоја година, и најчесто патуваат до класичните скијачки дестинации на Алпите, каде што времето најчест мора да го поминете со редици на лифтовите и високи цени.
Но, постојат алтернативи во Европа. Источна Европа има што да понуди, а во земји како Македонија планините се доволно високи, снегот длабок, бројот на скијачи значително помал отколку на Алпите, на пример.
До врвот со ратрак машина
Во Македонија треба да бидете подготвени за поинакво скијачко патување, каде транспортот до врвот често се одвива со машина таканаречена cat-ski. Наместо со лифтови, на врвот пристигнувате со специјално адаптирана машина , која може да стигне до оддалечени планински места далеку од каква било инфраструктура и цивилизација.
Резултатот е помалку луѓе, недопрени патеки, чувство дека планината е целосно само за себе, вели Nikolaj Salomon Vang од Данската скијачка асоцијација, кој моментално е во посета на Македонија.
– Ваквото скијање овозможува пристап до огромни планински падини со многу простор, длабок снег и долги спуштања, без таков трошок како во познатите дестинации за фрирајд.
Евтин скијачки одмор, но со компромиси
Планините во Македонија, особено областа околу Попова Шапка, се издигаат на над 2500 метри надморска височина, што дава посебен висок алпски изглед и често обезбедува соодветни временски услови со ладен и добар снег.
Во моментов времето е совршено за скијање. Имаше многу свеж снег, студот е стабилен и обезбедува добри услови, а се очекуваат слаби снежни врнежи заедно со уште повеќе студ.
Ценовните нивоа во Источна Европа во повеќето случаи се значително пониски , тоа значи дека скијањето со ратратк може да се направи за една петтина од цената на други места. Од друга страна, мора да ги прилагодите очекувањата.
– Удобноста, хотелите и гастрономијата се поедноставни, но за возврат добивате автентичност, сурова природа и блиски средби со локалното население, каде што денот за скијање е сè уште во фокусот, вели Nikolaj Salomon Vang, раководител на проектот во Данската скијачка асоцијација.
