Промотивна акција на дел од секција I4 на Македонската бесконечна трансверзала
Датум: Недела, 13.04.2025 г.
Асоцијацијата Македонска Бесконечна Трансверзала – Саммиана, заедно со планинарското друштво Повик од Дивината ве води низ еден сосема нов и непознат дел од природата на Македонија.
Јужните падини на Огражден се едни од најнепосетуваните предели од нашата земја. На краниот југоисток во близина на границата со Бугарија се наоѓаат сега веќе речиси целосно раселените стари македонски села Стиник, Бадилен и Барбарево од каде понатаму на север се протега комплетно ненаселен дел на планината, а во центарот на тој предел се наоѓа археолошкиот локалитет Црвено поле кој сведочи дека овој предел пред многу стотици години сепак имал организиран живот.
Ќе бидете првитe планинари кои го посетиле овој прекрасен живописен предел на Огражден по една комплетно ново трасирана и маркирана планинарска патека која е дел од секцијата I4 од Македонската Бесконечна Трансверзала, позната и како Источна Македонска Трансверзала.
За патеката:
Патеката се смета за тешка со должина од 22.5 км или приближно 7-8 часа одење во двата правци. Започнува од с. Самуилово до с. Стиниќ со вкупна висинска елевација од 1020м
Ќе се движиме претежно по тесна планинарска патека во најголем дел низ шума со повремени широки видици кон струмичкото поле и планината Беласица. Попатно имаме неколку преминувања на реката Василица и на неколку потоци се до крајната точка – црквата Свети Спас во село Стиник, а доколку дозволи времето, за оние што ќе имаат вишок енергија и до самиот локалитет Црвено Поле .
Задолжителна / Препорачана опрема:
∙ Кабаница за дожд резервна облека
∙ Разгазени обувки со цврст ѓон
∙ Планинарски стапчиња
∙ Облека соодветна на времето, капа, очила за сонце, крем со заштитен фактор
Храна: Тоа што ќе си понесете според вашите дневни потреби (ние советуваме да си понесете сендвичи, чоколадо, житарки, сушено овошје итн).
Вода: Понесете 2 литри или според сопствените потреби.Од почетната точка до село Стиник има потоци но нема чешми. Во село Стиник има повеќе чешми.
Турата ќе ја водат лиценцирани планинарски водичи
ВАЖНО: Учеството е бесплатно и е со сопствен превоз но бројот на учесници е ОГРАНИЧЕН па следствено ве замолуваме да го потврдите вашето присуство навреме, а краен рок за пријавување доколку има место е најдоцна до четврток, 10.04.2025
Учесниците кои нема да бидат пријавени неможе да учествуваат на турата.
Лица за контакт за пријавување:
Гоце Монев 078 382-661
Бојан Хаџиев 071 307 779
Марко Цветковски 077 760-502
ПОЧЕТНА ТОЧКА: Собирна точка е на земјен паркинг покрај магистралниот пат кон граничниот премин Ново Село на границата со Бугарија, поточно 150м по раскрсницата кон комплекс Лебедово Езеро и пред самото вртење кон село Самоилово. За оние кои што не знаат како да стигнат до почетната точка информирајте се во моментот на пријавување.
НАПОМЕНИ:
∙ Доколку временските услови не дозволуваат реализација на акцијата, датумот ќе биде променет, а новиот термин ќе го објавиме навреме.
∙ Секој учесник доаѓа на сопствена одговорност и лично си одговара за сопствената психо-физичка кондиција.
∙ Учесниците во акцијата се должни да ги почитуваат насоките на водичите. Во спротивно самите се одговорни за несаканите последици
∙ Водичите имаат право да исклучат учесник/-ци на акцијата на почеток или во текот на акцијата доколку не ги почитуваат објавените насоки, не ја поседуваат соодветната планинарска опрема и не ги почитуваат насоките на водичите
∙ Водичите го задржуваат правото на промена на условите на објавената акција согласно условите на теренот
