Во невообичаена атмосфера , вчера вечер на Попова Шапка стартуваше ноќното скијање. Цената на ски картата за ноќно скијање за сите возрасни категории изнесува 700 денари, а скијањето е од 19 до 22 часот. Оперативни лифтови и осветлени патеки за таа намена се лифтовите Тетекс и Аеродром. Дополнителна новина се и поставените фан парк елементи каде што сите заинтересирани за фристајл скијање и сноуброд може да тренираат акробации и да се забавуваат.
