По филмот 14 Peaks: Nothing Is Impossible, кој го прикажува патешествието на Nirmal “Nimsdai” Purja на 14 осумиљадарки, сега тој издаде и книга, преведена на неколку јазици, плус верзија за деца.
„Мојата книга сега е излезена и во САД. Наречена „Отаде можното: еден војник, четиринаесет врвови – мојот живот во зоната на смртта“, ја раскажува приказната за 14 врвови, но и многу повеќе од тоа. Ако ви се допадна филмот 14 Peaks, ова е уште подлабоко нурнување во мојата приказна – во времетo кога растев во Непал, до Гурките, специјалните сили на Британија и до предизвикот 14/7. Многу сум горд што можам да кажам дека ќе има и верзија за помладите читатели – на возраст од 8-12 години, бидејќи сакам да помогнам да се инспирира следната генерација, за да знаат дека ништо не е невозможно“ – изјави Пурја.
Во овие волшебни мемоари, поврзани со познатиот Нетфликс документарец 14 Peaks, Пурја го открива човекот зад искачувањата, објаснувајќи како неговиот ран живот во Непал и обуката како војник во елитните единици Гурка и СБС на Британија му овозможиле да постигне планинарска мисија која малкумина мислеа дека е остварлива. Пурја покажува како лидерството, интегритетот и соработката, а не себичноста и егоизмот, ги поттикнуваат најголемите светски подвизи за качување, вклучително и првото зимско искачување на пакистанскиот К2 – уште една планинарска пресвртница што ја постигна во јануари 2021 година.
Длабока и инспиративна, оваа интимна книга открива што е потребно за да се оди километри отаде можното.
Непалскиот алпинист Нирмал Пурја е првиот човек што ги искачи сите четиринаесет врвови на светот над 8000 метри. Тоа го направи за помалку од седум месеци, соборувајќи го претходниот рекорд од седум години.
