Седми „Mavrovo Maximum Adventure 2022“ тим билдинг настан

Вести

Седми „Mavrovo Maximum Adventure 2022“ тим билдинг настан во регионот

Ресорт Маврово, по седми пат, ќе бидe домаќин на најголемиот тим билдинг настан во регионот – „Mavrovo Maximum Adventure 2022“. Годинава, од 27-ми до 29-ти мај, терените во мавровскиот регион ќе бидат простор за нови професионални авантури на „Mavrovo Maximum Adventure“.

Сите сме свесни како пандемијата влијаеше на нашите животи, на нашите работни навики и на работата од дома. Но, време е, на отворено, да организираме идеален тим билдинг на кој учесниците од различни компании и организации, преку бројни адреналински спортови и авантуристички игри, ќе добијат совршена шанса за подобрување на комуникацијата меѓу вработените, подобрување на интерните односи, зголемување на довербата и лојалноста, а пред сѐ одлична забава за целата компанија.

Sport Challenge игрите (кајак на мирни води, возење SUP даски, стрелаштво, планинско трчање, планински велосипедизам и други) и Adventure Games игрите, како и изминатите години, ќе бидат дел од програмата која ги нуди Mavrovo Maximum Adventure. Годинава, за прв пат, покрај традиционалните веќе познати игри, Ресорт Маврово во својата програма ќе внесе и нови атрактивни игри како дел до Mavrovo Maximum Adventure. Со поддршката на професионалните спортски друштва, учесниците ќе имаат задача да совладуваат препреки, во најбрз можен рок, потпирајќи се на снаодливоста, интелигенцијата и агилноста на членовите на тимот.

Освен богатата понуда која ја нуди „Mavrovo Maximum Adventure“, овој настан е уникатен и поради совршената локација – секогаш атрактивното Маврово, кое важи за едно најубавите македонски туристички точки. Место кое е идеално за спорт, рекреација и релаксација проследени со чист воздух, неверојатни пејзажи и планинско спокојство.

„Како компанија секогаш се трудиме на нашите гости да им ги обезбедиме мирот и хармонијата на природата, поврзани со активности и спортски игри. Активниот живот во мирниот пејзаж овозможува рехабилитација на личноста, на нејзино поврзување со колегите, зацврстување на тимскиот дух и секако, подобро, поефективно и поефикасно работење во тимот“, вели Огњан Циговски, директорот на Ресорт Маврово.

Придружете се на најдобрите и бидете дел од единствениот настан со уникатни активности.

Претходен написи
Охридските спасители ги подготвија пожарникарите за спасување на планински терен
Следен напис
На денешен ден во 2017 година загина Ули Штек