Со бесплатен ден, од утре 17 декември 2020 започнува ски сезоната на Попова Шапка.
Невообичаено снегот не почасти порано па и центарот подрани со отварање. Шапка е целосно подготвена за непречено и безбедно функционирање, спроведени се технички подготовки, извршено е маркирање на постојните патеки. За утрешното скијање во функција ќе бидат ставени жичниците „Св. Илија“ и „Церипашина“ и лифтовите „Аеродром“ и „Ге“. Заради минатогодишната скратена сезона,како што вети центарот, ланскиот сезонскиот ски билет ќе важат и оваа сезона. Од тие причини, центарот ги повикува сите клиенти кои имаат лански сезонски ски билети во хотел „Попова Шапка“ истите да ги реактивираат.
![](https://skimacedonia.mk/wp-content/uploads/2020/12/planika_peko_makedonija_banner.gif)
Сезонава ќе важат вообичаените цени на ски карти. Дневниот билет, од 9 до 15:30 часот, ќе се продава по цена од 1.000 денари, полудневниот билет, кој важи од 12 до 15:30 часот, е 700 денари. Билетот за ноќно скијање, кој важи од 19 до 22 часот, е 500 денари. За сите билети се наплаќа повратна кауција во висина од 150 денари. Новина е можноста за туристички разгледување со ратрак ски такси по цена од 6.500 денари од час. Центарот ќе работи согласно донесените Протоколи за работа на ски – центрите во земјава од страна на Владата на Македонија, заради превенција и заштита од актуелната пандемија на Ковид – 19.
фото 12 декември, skimacedonia
![](https://skimacedonia.mk/wp-content/uploads/2020/12/MG_6585-skimacedonia-shar-planina-ceripasina-popova-sapka-tetovo-skijanje-1024x574.jpg)
![](https://skimacedonia.mk/wp-content/uploads/2020/12/MG_6599-2-popova-sapka-shar-planina-ski-centar-ceripasina-ski-touring-1024x574.jpg)
![](https://skimacedonia.mk/wp-content/uploads/2020/12/MG_6609-2vpopova-sapka-shar-planina-ski-centar-ceripasina-ski-touring-1024x574.jpg)
![](https://skimacedonia.mk/wp-content/uploads/2020/12/20201212_-popova-sapka-shar-planina-ski-centar-ceripasina-ski-touring-1024x461.jpg)
![](https://skimacedonia.mk/wp-content/uploads/2020/12/darkosah-16076326649431-popova-sapka-skimacedonia.jpg)
![](https://skimacedonia.mk/wp-content/uploads/2020/12/002_nehartravel_winter_banner.png)