Околу 250 скијачки центри во Франција ќе ги префрлат ратраците за процесирање на снегот на водород, во обидат да го исполнат ветувањето дека ќе ги намалат директните емисии на СО2 на нула до 2037 година.
Ратраците за подготовка на ски патеките кои сега доминантно се на дизел произведуваат речиси 94% од јаглеродот што го емитираат француските ски центри, а работата на лифтовите и опремата за правење снег го прави остатокот, коментира Александар Маулин, шеф на индустриската група Domaines Skiables de France.
Скијачкото лоби работи со француската Комисија за алтернативни енергии, атомска енергија и тројцата главни снабдувачи на ратрак машини за подготовка на патеките – германскиот Kaessbohrer Gelaendefahrzeug AG, италијанскиот Prinoth SpA и локалниот производител CM Dupon – и го очекуваат првиот ратрак на 100% хидроген за пет години.
„Да, ние сме извор на загадување, как ски зона, но ќе се справиме со тоа“, рече Маулин. „Првата работа ќе биде да се помогне во производството на ратрак машини на водород. Тоа е приоритет за сите производители “.
Најголемите француски центри обично ги заменуваат своите машини на секои пет сезони, помалите на секои 10 години, рече Маулин. Така, целата француска флота од машини за подготовка на наклон може да се префрли на водород во текот на една деценија, по период на тестирање и развој.
Машините тешки над 10 тони, во просек чинат 400 000 евра (469 000 американски долари) парче, според Domaines Skiables de France. Производителите ќе ги надоместат трошоците за истражување и развој за водородна енергија во цената на новите ратрак машини, коментира Маулин.
Неколку оперативни факти
- Француските скијачки центри инвестирале просечно 379 милиони евра годишно меѓу 2016 и 2019 година, од кои 10% на ратрак машини.
- Машините за чистење снег сочинуваат 94% од директните емисии на француска ски станица, ски-лифтовите 4% и опремата за правење снег 2%.
- Француското алпско одморалиште La Plagne, најголемо во светот по број на посети на скијачи, има 30 ратраци со кои ги дотеруваат своите 225 километри патеки.
- Франција воведе план од 7 милијарди евра за употреба на водород во индустриски процеси и транспорт за намалување на производството на јаглерод диоксид за 6 милиони тони до 2030 година.
- Француските центри привлекуваат 10 милиони посетители секоја зима, а целта на нула јаглерод не ги вклучува нивните емисии.
- Одморалиштата се обидуваат да ги поттикнат своите клиенти на повеќе еколошки патувања, при што некои нудат попусти за ски-картите за оние кои пристигнуваат со воз или споделуваат возила.
- Француските зимски одморалишта генерираат годишна продажба од околу 1,5 милијарди евра.
- Целокупната економија за зимски спортови вреди околу 10 милијарди евра или 5% до 10% од туристичката индустрија во Франција
