Александар Кирковски продолжува да поставува рекорди или да ги пробива веќе поставените времиња за брзинско искачување низ македонските планини. Овој пат во игра беше врвот Пелистер и подобрување на претходно поставено време од 2 часа 10 минути и 54 секунди од страна на Александар Стојкоски.
На 22 јули 2020 година, од стартна точка Инфоцентар до врв Пелистер и назад „преку болниците“ Кирковски реализираше вкупно време од 2 часа 05 минути и 31 секунда, со што го подобри претходниот рекорд за скоро 6 минути. Патека долга 19 км, со денивелација од 1200Д+.
Успонот до врвот Пелистер, Кирковски го искачи за 1 час 16 минути, а спустот траел 49 минути.
Заедно со Стојкоски, согласни се дека рекордот може да се спушти под 2 часа како следна цел на која ќе најавуваат атак.
Поддршка и видео материјали од потфатот: Горан Кузмановски (дрон), Саша Грбиќ, Стефан Петровски, Даниело Божиновски и Влатко Гроздановски. Монтажа: Горан Вуќиќ.
