Психологијата на трчање маратони: Како да се надмине “ѕидот”

Опрема и Совети

Психологијата на трчање маратон: Како да се надмине удирањето на “ѕидот”

За се поголемиот број на маратонски натпреварувачи низ градските улици и планините, пренесуваме корисна статија од англискиот, Daily Telegraph.

Пред да го минат финишот на Лондонскиот маратон, 40.000 натпреварувачи кои се трчаат да ја завршат рутата од 42 км ќе се надеваат дека ќе избегнат болна средба со првата бариера. Загуба на енергија, изнемоштеност, односно “притискање до ѕидот”, состојба кога депозитите на мускулен гликоген стануваат целосно исцрпени.

Експерти сугерираат дека менталниот замор, исто така, може да биде фактор кој придонесува за перцепцијата на физички замор. Идејата дека вашиот мозок го регулира вежбањето, така што секогаш имате малку енергија што останува во резервоарот. Додека состојбата на притискање до крај ги поттикнува чувствата на неизбежен страв кај аматерските тркачи, многу елитни спортисти ги прифаќаат механизмите за справување со кризата за да се поттикнат кон завршната линија.

Англичанката, Д-р Џозефин Пери, советник за психологија во спорт, која на елитни спортисти им обезбедува стратегии за да ги остварат своите максимални потенцијали, смета дека менталната подготовка е од клучно значење кога станува збор за справување со “ѕидот”.

Ако тркачите добро се обучат, бидат ефикасно ментално подготвени, тие навистина нема да се борат премногу. Подготовката е навистина важна тука. Бидејќи тркачите се долго на патеката, неизбежно е во одреден момент да имаат критични моменти, така што многу е важно да се има стратегија за секој пат кога ќе се случи тоа.

Тоа може да биде размислување за луѓето кои ви помогнале и поддржале во вашата обука, или може да го разделите маратонот во вашата глава во многу помали парчиња за да се чувствувате пооптимистички.” Вели Д-р Пери.

Професор Тимоти Нојкс од универзитетот во Кејптаун, кој зад себе има повеќе од 70 маратони и ултрамаратони, ја истакнува идејата дека “мозокот не враќа од пробивање на одредена точка” како стратегија за самоодржување, верувајќи дека ова може да се примени. “Постои контролен механизам за да се осигурате дека ќе стигнете до финишот не во целосна, туку во крајно изнемоштена состојба”, тврди тој. “Секогаш имаш малку резерва”.

За Д-р Пери, истражувањата сугерираат дека мозокот е “поважен отколку што претходно мислевме”. “Постои огромна дебата меѓу научниците за спорт што точно го контролира физичкиот замор”, објаснува таа. “Најновото размислување сугерира дека кога нашето тело има повеќе да даде, некогаш мозокот намерно не враќа назад или се обидува да го заштити телото од трошење, бидејќи не сме доволно мотивирани или затоа што ние го сфаќаме напорот како преголем.

“Ако можеме да ја зголемиме нашата мотивација и да ја намалиме нашата перцепција за напорите тогаш најчесто можеме да бидеме поуспешни”.

Алекс Хачинсон, тркач на долги патеки и физичар едуциран на Кембриџ, во својата книга “Mind, Body and the Curiously Elastic Limits of Human Performance“, солидно ја сумира издржливоста како “Борбата да се продолжи против растечката желба да се запре”, позајмувајќи фраза од истражувачот Самуел Маркора.

момент од Momata Rock Trails

За да остане телото мотивирано, од физичката исцрпеност и менталниот замор кои се кријат кон крајот на исцрпувачкиот предизвик од 42 км, д-р Пери верува дека повторувањето на позитивна мантра е “одлична тактика” за завршните фази на трката.

“Мантра е кратка позитивна фраза која често се фокусира на вашата мотивација и цел за маратонот”, вели таа.

“Тоа треба да ти биде нешто лично и навистина да те осветли (користење позајмици од друг нема да функционира). Тоа може да биде…на колку луѓе ќе им помогнам со парите собрани за донации, колку ќе ги направиме децата горди со резултатот или колку се вложив во тренинг.”

“Секогаш кога имате тежок момент, повторувајќи го ова, одново и одново ќе ви помогне да го одржите вашиот ритам и да одржите попозитивен начин на размислување”.

Неколку совети за надминување на ѕидот од страна на д-р Јозефин Пери

  • Мислете на луѓето кои ви помогнале и ве подржале.
  • Поделете го маратонот во вашата глава на помали делови, така што ќе изгледа пореален, подостапен.
  • Продолжете да ја повторувате вашата позитивна мантра.
  • Ментално размислете за секој дел од вашето тело и фокусирајте се на тоа да имате добра техника во секој дел.
  • Одвлечете си го вниманието, мислете на друго, бројте, пресметувајте, разговарајте…

Таа додава дека притискањето низ бариерата на болките во телото и исцрпеноста може да се постигне преку серија техники за фокусирање на умот, но постојат одредени предупредувачки знаци кои не треба да ги игнорирате, како болка во градите или екстремно потење.

“Натпреварувачите, всушност, имаат тенденција да бидат поделени меѓу оние кои сакаат да се фокусираат на нивните тела и да ја користат болка што ја чувствуваат како повратна информација за прилагодување на нивната техника и оние кои сакаат целосно да се одвлечат од себе”, вели д-р Пери.

“Ако сакате да фокусирате, голема тактика е да се обидете со проверка на телото, размислувајте за секој дел од вашето тело и да се фокусирате на тоа да имате добра техника во секој од тие делови.

“Ако претпочитате да го одвлечете вниманието од трчањето, тогаш некои луѓе ќе имаат натпревари во главата, да направат математика и равенки во нивните глави за растојанието што го оставиле зад себе трчајќи, да пронајдат друг тркач со иста брзина за разговор со него. Тоа е тоа што однапред треба да се знае што работи за тебе, во твој прилог “.

Претходен написи
На денешен ден пред 34 години Димитар Илиевски – Мурато се искачи на Еверест
Следен напис
Викенд за искачување на Еверест

Fatal error: Uncaught wfWAFStorageFileException: Unable to save temporary file for atomic writing. in /home/skimacedonia/public_html/wp-content/plugins/wordfence/vendor/wordfence/wf-waf/src/lib/storage/file.php:35 Stack trace: #0 /home/skimacedonia/public_html/wp-content/plugins/wordfence/vendor/wordfence/wf-waf/src/lib/storage/file.php(659): wfWAFStorageFile::atomicFilePutContents('/home/skimacedo...', '<?php exit('Acc...') #1 [internal function]: wfWAFStorageFile->saveConfig('livewaf') #2 {main} thrown in /home/skimacedonia/public_html/wp-content/plugins/wordfence/vendor/wordfence/wf-waf/src/lib/storage/file.php on line 35