Топењето на глечерите на алпите, конкретно во Швајцарија летово како третото најтопло досега резултира со губење мраз за две години колку во три децении пред 1990 година, се наведува во извештајот, во кој загубите во обемот на глечерите се опишани како „катастрофални“.
Оваа година e многу проблематична за глечерите бидејќи зимата имаше многу малку снег, а летото помина многу топло. Комбинацијата на овие фактори е најлошото што можеше да им се случи на глечерите – изјави Матијас Хус, шеф на Глечер мониторинг Швајцарија (ГЛАМОС).
Повеќе од половина од алпските глечери се во Швајцарија, каде што температурите двојно се зголемуваат од глобалниот просек поради климатските промени.
Годинава ниските нивоа на врнежи од снег во комбинација со раниот старт и доцниот крај на летната сезона на топење предизвикаа големи загуби, објави ГЛАМОС.
Во август, месецот на најголемото топење, Швајцарската метеоролошка служба соопшти дека висината на која врнежите замрзнуваат во текот на ноќта достигнала нов рекорд – 5.289 метри. Ова е надморска височина поголема од Мон Блан, највисокиот врв на Алпите и Европа. Ова го надмина минатогодишниот рекорд од 5.184 метри.
