Денес снежно освежување на ски патеките. Додека го пишуваме текстов, температурата е -2,0°C, а ветерот 4,4 km/h север-североисток. Овој викенд, второ намалување на ски картите на Попова Шапка. Отсега, дневен ски билет 700 денари, детски 400 денари, а ски картата за ноќно скијање ќе биде по цена од 500 денари. Искористете ја можноста да ги скијате супер поволните услови, студеното време и добрите патеки во крајниот дел од сезоната. Опративни се сите ски лифтови, жичари и ски патеки. Дополнително добри се и услови за скијање надвор од стаза во зоната на Церипашина.
