Децата можат да почнат да скијаат веднаш штом ќе научат да одат добро, што е приближно кога ќе наполнат три години. Но можe да научат да скијаат правилно после седмата или осмата години. Најважно е скијањето да им биде игра и забава.
Пред да излезете на снег, добро облечете го вашето дете за да не му биде ладно. Добро облечен значи, соодветната зимска облека, најдобро е волнени комплети, најмногу загреваат затоа што и најмалку ги потат децата. Скијачки одела, пантолони и јакна од материјали отпорни на ветер и влага, ракавици, бандани и топли високи чорапи, по можност мерино. Имајте во предвид дека тоа ќе скија, телото е активно и произведува температура. Што значи треба да биде облечено, но не и преоблечено.
